Jan Thormodsæter er attvald som styreleiar i Nynorsk bedriftsforum
Med vidare i styret er også Synnøve Kleiven frå Ulstein Group, Svein Olav B. Langåker frå LNK, Anders Folkestad frå Noregs Mållag og Inger Sundnes frå ALTI Ørsta. Hege Magnusson frå Voss Sparebank kjem inn som nytt styremedlem.
No startar arbeidet med å vidareutvikle organisasjonen og styrke vilkåra for nynorsk i næringslivet.
– Vi står midt i ei viktig utviklingsfase. Skal nynorsk og bokmål ha reelt like vilkår i næringslivet, treng vi både langsiktig arbeid og sterke strukturar. Det nye styret er godt rusta til å ta dette vidare, seier styreleiar Jan Thormodsæter.
Nynorsk bedriftsforum er eit landsdekkande nettverk for verksemder som bruker nynorsk i kommunikasjon og marknadsføring. Monika Haanes Waagan er dagleg leiar i organisasjonen.
Spelemidlane Nynorsk bedriftsforum fekk i 2025 har vore avgjerande for å auke kapasiteten og profesjonalisere drifta. Midlane har gitt rom for meir aktivitet, tettare oppfølging av medlemsbedriftene og ei tydelegare rolle i det språkpolitiske arbeidet.
Styret håpar departementet vidarefører støtta, og at organisasjonen blir sikra fast post på statsbudsjettet frå 2027.
– Støtta vi fekk i 2025 gjorde det mogleg å ta fleire nødvendige steg på kort tid. Det har gitt oss eit år med god framdrift, seier dagleg leiar Monika Haanes Waagan.
– Vi har tru på framtida og opplever at arbeidet vårt har fått ei svært god mottaking. No håpar vi på føreseielege og langsiktige rammer framover, seier Thormodsæter.
Øvst frå venstre: Styreleiar Jan Thormodsæter frå MAFOSS, Synnøve Kleiven frå Ulstein Group, Svein Olav B. Langåker frå LNK.
Nedst frå venstre: Hege Magnusson frå Voss Sparebank, Anders Folkestad frå Noregs Mållag og Inger Sundnes frå ALTI Ørsta.
Foto: MAFOSS/ÅKP, Ulstein Group, Magne Langåker, Voss Sparebank, Bent Tandstad og ALTI Ørsta.
Publisert 30. april 2026
