Kjøpesenterkjeda Alti og samvirkelaget Coop Nordvest er Årets nynorskbrukar 2024. Begge har valt å gi prispengane vidare til Nynorsk bedriftsforum.

Det blir årsmøte i Nynorsk bedriftsforum tysdag 30. april kl. 14.00. Årsmøtet blir halde digitalt.

Spynorsk. The musical er ein ny musikal om demokrati, språk, pågangsmot, vaflar og draumar, og ikkje minst om Ivar Aasen, i splitter nytt og nokså uvant superheltlys. Kanskje møtest vi før premieren den 13. april?

15. november 2023 er det eitt år sidan Nynorsk bedriftsforum vart stifta. I dag er 40 små og store bedrifter medlemmar hos oss. Vi gler oss over utviklinga og håpar på mange nye medlemmar i året som kjem!

I september sa Sosialistisk Venstreparti at dei ønskte «å sikre at Nynorsk bedriftsforum får støtte gjennom statsbudsjettet». Men då SV la fram sitt alternative statsbudsjett torsdag denne veka, var det eit budsjett utan løyvingar til Nynorsk bedriftsforum.

Nynorsk forum er eit samarbeidsorgan for nynorske institusjonar, organisasjonar og bedrifter. Den 19. oktober vart Nynorsk bedriftsforum teken opp som ny medlem i forumet.

VELKOMEN TIL PRODUKTPRESENTASJON 22. NOVEMBER 2023

Brukar bedrifta di mykje tid og ressursar på manuelt omsettingsarbeid mellom bokmål og nynorsk? Onsdag 22. november kl 10.00 kan du bli betre kjend med det digitale verktøyet Nynorskoversetteren frå Totaltekst.

Nynorsk bedriftsforum er med i panelet når Det Norske Teatret inviterer til samling under Arendalsuka 17. august.

Nynorsk bedriftsforum er med som fast deltakar i Nynorskfylket Vestland, eit nettverk som jobbar for auka bruk og fremjing av nynorsk på alle samfunnsområde i Vestland fylke.

Fleire av våre medlemsbedrifter har kome med innspel til arbeidet med ein ny handlingsplan for norsk fagspråk i akademia. No er planen klar. Les korleis Kunnskapsdepartementet og Kultur- og likestillingsdepartementet planlegg å styrke norsk fagspråk.

Det Norske Teatret vil gjennom kampanjen «Tett gapet» invitere alle nynorskvennar til å lage drama. Å kjøpe ein symbolsk stol i salen på Hovudscenen er berre ein av måtane du og nynorskbedrifta di kan støtte aksjonen.

Nynorskdagen kan vere ein hyggeleg dag å markere i bedrifta, anten det blir nynorske vaflar til to-kaffien, nynorsk-kviss i lunsjen, allsong på avdelingsmøtet eller berre ei oppdatering på Facebook.

LNK byr inn til landsting i Sogndal 1.–2. juni på Quality Hotel Sogndal. Målet til LNK er at samlinga skal vere ein framtidsverkstad for nynorsk i kommunane. Den faglege og kulturelle delen av landstinget er ope for alle, så sjekk ut programmet og meld deg på.

Kunnskapsdepartementet (KD) har i samarbeid med Kultur- og likestillingsdepartementet (KUD) varsla ein handlingsplan for norsk fagspråk i akademia. Nynorsk bedriftsforum har sendt følgande innspel til dette arbeidet:

Nynorsk bedriftsforum samlar i desse dagar inn uttalar frå medlemsbedriftene om norsk fagspråk. Målet er å sende inn eit felles innspel til departementa sitt arbeid med ein ny handlingsplan for norsk fagspråk i akademia.

Det blir årsmøte i Nynorsk bedriftsforum tysdag 25. april kl. 14.00. Årsmøtet blir halde digitalt.

Fredag 24. mars la regjeringa fram forslag til ny opplæringslov. Vi i Nynorsk bedriftsforum er kritiske og fryktar følgene av ei opplæringslov som, utan endringar, sviktar nynorskelevane. No er det opp til Stortinget å rette opp feilen.

Nynorsk bedriftsforum vaks med sju nye medlemsbedrifter i februar. Det vil seie at medlemstalet vårt no er oppe i 21. Vi kunne ønske velkomen vår første medlemsbedrift frå Trøndelag, det kom to nye frå Møre og Romsdal og fire nye frå Vestland fylke.