HEI, ROGALAND!

*

HEI, ROGALAND! *

Bli medlem i Nynorsk bedriftsforum
til halv pris i haust!

Tilbodet gjeld nynorskbedrifter i Rogaland og inkluderer:

  • 50 % rabatt på medlemsavgifta

  • medlemskap for resten av 2025 pluss heile 2026

  • tilgang til eit landsdekkande nettverk av stolte nynorskbedrifter, gode tilbod på
    nyttige kurs og seminar, rådgjeving og støtte

  • ekstra tilbod i samband med at Nynorsk bedriftsforum besøker Rogaland i november

  • 0–1 tilsette: 1 000 kr
    kampanjepris: 500 kr

    2–4 tilsette: 2 000 kr
    kampanjepris: 1000 kr

    5–9 tilsette: 3 000 kr
    kampanjepris: 1 500 kr

    10–19 tilsette: 3 500 kr
    kampanjepris: 1 750 kr

    20–49 tilsette: 4 000 kr
    kampanjepris: 2 000 kr

    50–99 tilsette: 5 000 kr
    kampanjepris: 2 500 kr

    100–249 tilsette: 5 000 kr
    kampanjepris: 2 500 kr

    250+ tilsette: 5 000 kr
    kampanjepris: 2 500 kr

Fleire fordelar

⇓

Medlemstilbod i Rogaland hausten 2025:

Gratis foredrag med Linda Eide

Som ny medlemsbedrift får de gratis inngang til næringslivsarrangementet Språk til lunsj, inkludert foredraget Klinkande uklart med Linda Eide!

3. november i Suldal
18. november på Bryne

Les meir om arrangementet her

Besøk med fagleg påfyll til di bedrift

I november kan du tinge eit gratis miniforedrag heim til kantina eller møterommet med Monika Haanes Waagan, dagleg leiar i Nynorsk bedriftsforum.

I foredraget Verdien av språk kombinerer Monika unik forsking på nynorsk i næringslivet med eigne gründererfaringar og konkret lærdom frå arbeidet i Nynorsk bedriftsforum.

Tilbodet gjeld medlemsbedrifter i Rogaland på ledige tidspunkt i veke 45 og 47.

Ta kontakt for å gjere avtale

Fleire fordelar

⇓

Kurs: Nynorsk for bedrifter

Som medlemsbedrift får de 50 % rabatt på kurset Nynorsk for bedrifter med oppstart i februar 2026. På fem nettøkter får deltakarane lære korleis ein kan bli tryggare på nynorsk og gjere nynorsk til ein naturleg og tydeleg del av bedriftsprofilen.

Les meir

Digitale og fysiske seminar

På arrangement-sida finn du informasjon om komande hendingar. Som medlem får du alltid rabatt eller gratis inngang, der vi står som arrangør. Har du ein idé til eit nyttig arrangement, anten digitalt eller i ditt lokalmiljø? Ta kontakt!

Komande arrangement

Hjelp til å nå fram

Nynorsk bedriftsforum skal fremje interessene til nynorskbedriftene og tale vår sak, anten det gjeld språkpolitiske spørsmål, brot på språklova, manglande nynorsk i programvare eller andre saker vi bør sjå nærare på. Du kan enkelt melde inn saker via nettsida. Vi les alt og følgjer opp det som er relevant.

Eit nettverk å høyre til

Vi skal vere eit nettverk for samarbeid, erfaringsutveksling og kunnskapsdeling. Du kan alltid kontakte oss, anten du sit på kunnskap eller erfaringar du vil dele eller du treng innspel og hjelp for å løyse ei konkret utfordring. Vår erfaring er at mange nynorskbedrifter har dei same språkrelaterte utfordringane, uavhengig av bransje, storleik og geografi.

Marknadsføring

Alle medlemsbedrifter kan marknadsføre seg på nettsida vår med logo, tekst, bilde, video og lenker til eiga, valfri nettside. Vil du presentere bedrifta di for dei andre medlemsbedriftene i eit digitalt møte? Ta kontakt, så hjelper vi til med invitasjonar og tilrettelegging.