Bedrifter som oppfyller eitt eller fleire av følgjande kriterium, kan få medlemskap i Nynorsk bedriftsforum:

• Marknadsføring, heimesider og anna profilering på norsk er i hovudsak på nynorsk.

• Intern og ekstern kommunikasjon på norsk er i hovudsak på nynorsk.

• Registrert i offentlege register med nynorsk som språk.

• Leverer likeverdige nynorskversjonar av produkt og tenester.

• Har ei målsetting om å auke nynorskbruken.

Kontingenten for 2023 var sett til 3 000 kroner per år per bedrift. Ny kontingent for 2024 blir vedteken av årsmøtet 30. april 2024.

Sjølv om nynorsk er eit språk som i seg sjølv er godt eigna som bedriftsspråk, er det i dag dessverre ikkje like enkelt å vere nynorskbedrift som bokmålsbedrift i Noreg.

Som nynorskbedrift er ein ofte i mindretal, både innanfor sin bransje og sitt geografiske område. Derfor samlar vi no nynorskbedriftene til eit nyttig og solid kontaktnett.

🔷 Synest du det bør vere like enkelt og sjølvsagt å vere nynorskbedrift som bokmålsbedrift?

🔷 Vil du dele erfaringar, lære av andre og bygge nettverk med nynorskbedrifter i heile landet?

🔷 Saknar du eit felles talerør som kan tale nynorskbedriftene si sak overfor leverandørar og styresmakter?

🔷 Tilbyr bedrifta di produkt eller tenester som gjer kvardagen enklare for nynorskbedrifter og nynorskbrukarar?

Då bør du melde bedrifta di inn i Nynorsk bedriftsforum.

Alle medlemsbedriftene får tilbod om å presentere seg på nettsidene med tekst, bilde og linkar til eiga nettside, produktsider eller andre aktuelle ressursar. Les meir her.

Her finn du vedtektene våre.

Vi vil gjerne at du registrerer bedrifta di med rett næringsgruppe, då dette etterkvart kan vere nyttig for medlemsstatistikken vår.

Vi brukar dei same næringsgruppene som SSB brukar i sine statistikkar.

Slik finn du rett næringsgruppe for bedrifta di.